_1704867435.jpeg)
धरान: प्रतिनिधिसभाको निर्वाचनमा सुनसरी क्षेत्र नं १ बाट आफ्नो उम्मेद्वारलाई जिताउन उज्यालो नेपाल पार्टीले पनि निर्वाचन परिचालन समिति गठन गरेर चुनावमा होमिएको छ ।
उज्यालो नेपाल पार्टी र राष्ट्रिय परिवर्तन पार्टीबाट प्रत्यक्षतर्फका साझा उम्मेद्वार रहेका डम्बर लावती (जेन्टल)लाई जिताउन ५०१ सदस्यीय निर्वाचन परिचालन समिति गठन गरेको जनाएको छ । धरानको पार्टी कार्यालयमा बसेको बैठकले सुनसरी १ मा लोकबहादुर थिङ संयोजक रहने गरि समिति गठन गरेको हो ।
निर्वाचन परिचालन समितिको सह-संयोजकहरूमा लोक बहादुर राई र मुना राई रहेका छन् भने सचिवमा अमित थेवे, सहसचिवहरूमा तारा श्रेष्ठ र सीमा राई रहेका छन् ।
यस्तै,आर्थिक विभाग प्रमुखमा कमला रुम्दाली, महिला विभाग प्रमुखमा मिसन लामा, प्रचार प्रसार विभाग प्रमुखमा डम्बर लाबुङ, युवा विभाग प्रमुखमा सुमन राई, विद्यार्थी विभाग प्रमुखमा सीमा राईले जिम्मेवारी पाएका छन् । यसैगरि, मिडिया प्रमुखमा युमेहाङ राई, कानून, प्रशासन, राजनीतिक सम्वाद प्रमुखमा विपीन इङ्वाराम रहेका छन् ।
सुनसरी १ मा प्रत्यक्षतर्फ उज्यालो नेपाल पार्टीका केन्द्रीय सदस्य एवं युवा नेता डम्बर लाओती (जेन्टल) उम्मेद्वार छन् । यस्तै, समानुपातिकतर्फ जेन जी सहिद साजन मेवाहाङ राईका पारिवारीक सदस्य उत्तरकुमारी राई छिन् । यो निर्वाचनमा उज्यालो नेपाल पार्टी र राष्ट्रिय परिवर्तन पार्टीबीच सहकार्य गरेको छ । उज्यालो नेपाल र राष्ट्रिय परिवर्तन पार्टीले प्रत्यक्षतर्फ चुनाव चिन्ह चिम र समानुपातिकतर्फ बाँसुरीमा भोट माग्ने सहमति गरेर मिलेर चुनावमा होमिएको छ ।
